Muhammadiyeva Sevara Komil qizi

photo_2019-06-03_23-51-19

Muhammadiyeva Sevara Komil qizi

Tug’ilgan yili: 11.03.1996

Tug’ilgan joyi: Jizzax shahar

Telefon: +38(093)1145059

e-mail: asisis.mam@gmail.com

Ma’lumoti:
2002-2011 yil  Jizzax shahar 4-sonli o’rta ta’lim maktabi

2011-2014 JDPI qoshidagi 1- sonli Akademik Litsey (Imtiyozli Diplom)

2016-   Dnepropetrovsk Milliy Temiryo’l Transport universiteti talabasi.

Ijtimoiy faoliyati va erishgan yutuqlari: 

2016-2019 Dnepropetrovsk universitetlarida tahsilolayotgan xorijlik talabalar o’rtasida bo’lib o’tgan ilmiy-amaliy konferensiyalar ishtrokchisi.

2017- Oliy o’quv yurtlari talabalari orasida bo’lib o’tgan konferensiyasi g’olibasi.

2018- “Xorijlik talaba” festivali qatnashchisi

2019-  “Millatlar Ligasi” bellashuvi ishtrokchisi

Sportdagi erishgan yutuqlari:

2016-Tekwondo ITF bo’yichaDnepropetrovsk Viloyat Chempioni

2017- Tekwondo ITF bo’yicha 1-Yevropa Ochiq Chempionati va Kuboki musobaqasi Chempioni   2 ta 1-o’rin(Tul’ va sparing)

2018- Tekwondo ITF bo’yicha Moldova Poytaxti Kishinevda bo’lib o’tgan Yevropa Kubogi 2 ta 1-o’rin(Tul’ va sparing)

2018-  Tekwondo ITF bo’yicha 1-DAN qora belbog’ sohibasi.

2019- Kozackiy jang bo’yicha Dnepropetrovsk ochiq chempionati g’libasi.

“Mehr” Insonparvarlik operatsiyasi – bag’rikenglik va oliyjanoblik ifodasi

Davlatimiz tomonidan muborak Ramazon oyida yana bir xayrli, ulkan ahamiyatga ega “Mehr” insonparvarlik operatsiyasi amalga oshirildi.

O’zbekiston Respublikasi Prezidenti Shavkat Mirziyoyevning topshirig’iga binoan, 156 nafar vatandoshlarimiz, asosan ayollar va bolalar Yaqin Sharqdagi qurolli mojarolar hududidan yurtimizga qaytarildi. Ular 30- may kuni maxsus aviareysda Toshkent shahriga olib kelindi.

Aldov oqibatida o’zga yurtga borib qolib, og’ir hayotiy davrni boshidan o’tkazgan bu insonlarga hukumatimiz tomonidan tibbiy, psixologik, moddiy va ma’naviy yordam ko’rsatildi. Ularni tinch hayotga qaytarib, jamiyatga moslashishlari, ta’lim va ijtimoiy dasturlarda ishtrok etishlari uchun zarur sharoit yaratiladi, boshpana va ish bilan ta’minlash choralari ko’riladi.

Obidov Muhammadsodiq Solijon o’g’li

photo_2019-04-26_20-39-50

Obidov Muhammadsodiq  Solijon o’g’li

Tug’ilgan yili: 12/11/1994

Tug’ilgan joyi: Andijon viloyati, Buloqboshi tumani.

Telefon: +38 (099) 414 75 97

e-mail: muvad737@gmail.com

Ma’lumoti:
2001-2010   Buloqboshi tumani 1-sonli o’rta ta’lim maktabi

2010-2013   Buloqboshi tumani Iqtisodiyot va yengil sanoat kolleji

2016-           Xarkov milliy tibbiyot universiteti talabasi.

IJTIMOIY FAOLIYATI  VA ERISHGAN YUTUQLARI

2007-2009  Andijon shahri, Sport marafoni ishtirokchisi.

2008-2010  Boks bo’yicha O’zbekiston chempioni.

2016             Xarkov milliy tibbiyot universiteti lotin tili olimpiadasi ishtirokchisi.

2016-2019  Xarkov  Milliy Tibbiyot Universitetida Milliy qadriyatlar festevali, ishtirokchisi.

2017 –         Ukrainadagi O’zbekiston talabalar uyushmasining Xarkov Milliy tibbiyot universitetida vakili

2018 –         Ukrainadagi O’zbekiston Yoshlar Umumjahon Assotsiatsiyasining vakili

2019             Xarkov Milliy tibbiyot universitetida ЭСКУЛАП konferensiyasi ishtrokchisi.

O‘zbekiston Prezidenti Xalqaro valyuta jamg‘armasi boshqaruvchi direktorini qabul qildi

Bugun, 17-may kuni O‘zbekiston Respublikasi Prezidenti Shavkat Mirziyoyev mamlakatimizga rasmiy tashrif bilan kelgan Xalqaro valyuta jamg‘armasi boshqaruvchi direktori Kristin Lagardni qabul qildi.

Davlatimiz rahbari oliy martabali mehmonni samimiy qutlar ekan, O‘zbekiston va Xalqaro valyuta jamg‘armasi o‘rtasidagi amaliy muloqot va o‘zaro manfaatli hamkorlik izchil rivojlanib borayotganini katta mamnuniyat bilan qayd etdi.

2017-yilning sentyabrida Nyu-York shahrida va joriy yil aprel oyida Pekin shahrida o‘tgan ikki tomonlama muzokaralar samarali hamkorlikni yo‘lga qo‘yish va yanada kengaytirishga xizmat qilgani ta’kidlandi.

Bugungi kunda jamg‘arma mamlakatimizda ilg‘or xalqaro tajriba va bilimlar asosida keng miqyosli islohot va yangilanishlarni ishlab chiqish va amalga oshirishda muhim sheriklardan biri ekani alohida qayd etildi.

Keyingi ikki yilda jamg‘armadan jalb etilgan texnik ko‘mak hajmi sezilarli darajada ortdi: mamlakatimizga XVJning 14 missiyasi tashrif buyurdi, soliq va moliya sohalari bo‘yicha yetakchi xalqaro konsultant va ekspertlar jalb etildi.

Jamg‘arma ko‘magida O‘zbekiston XVJ statistika ma’lumotlari tarqatishning umumiy tizimiga qo‘shildi, Markaziy bank va valyutani tartibga solish to‘g‘risidagi qonunlarning yangi tahriri loyihasi ishlab chiqildi, yangi Soliq siyosati va ma’muriyatchiligi konsepsiyasi va boshqalar joriy etildi.

Uchrashuvda O‘zbekiston va Xalqaro valyuta jamg‘armasining hamkorligi istiqbollari batafsil muhokama qilindi va bu boradagi ustuvor yo‘nalishlar belgilab olindi.

Pul-kredit va soliq-byudjet siyosatini takomillashtirish, monetar siyosatning samarali vositalarini joriy etish, mamlakatimizda ishbilarmonlik va investitsiya muhitini yaxshilash hamda boshqa yo‘nalishlarda faol hamkorlikni davom ettirishga alohida e’tibor qaratildi.

O‘z navbatida, XVJ boshqaruvchi direktori O‘zbekistonga tashrif bilan kelish taklifi hamda ko‘rsatilayotgan samimiy qabul uchun Prezidentimizga minnatdorlik bildirdi. Kristin Lagard jamg‘arma mamlakatimizda barcha tarmoq va yo‘nalishlarni qamrab olgan holda faol amalga oshirilayotgan islohotlarni yuksak baholashini alohida ta’kidladi.

O‘zbekistonning Markaziy Osiyoda yaxshi qo‘shnichilikni mustahkamlash va o‘zaro ishonchni oshirish, mintaqaviy savdo-iqtisodiy va gumanitar hamkorlikni kengaytirish borasidagi sa’y-harakatlari alohida qayd etildi.

Uchrashuv yakunida Kristin Lagard Xalqaro valyuta jamg‘armasi mamlakatimizda samarali islohotlarni amalga oshirish va iqtisodiyotning barqaror rivojlanishini ta’minlashga har tomonlama ko‘maklashishni davom ettirishga tayyor ekanini tasdiqladi.

Mamadaliev Avazbek Axmad o’g’li

photo_2019-04-27_20-15-12

Mamadaliev Avazbek Ahmadali Ugli

Tug’ilgan yili: 01/02/1996

Tug’ilgan joyi: Andijon viloyati, Izboskan tumani.

Telefon: +38 (099) 4571607

g-pochta: mamadaliev.avazbek@bk.ru

Ta’lim:
2001-2012 yil 8-sonli maxsus maktab-internat

2012-2013 Izboskanskiy agrar kolleji

2016 yilda Donetsk milliy tibbiyot universiteti talabasi. (Kirovograd)

IJTIMOIY FAOLIYaT VA YuTUQLAR

2009-2010 yil Andijon shahri, geografiya bo’yicha olimpiada ishtirokchisi.

2010 yil shaxmat bo’yicha chempionatning ishtirokchisi.

2016 yilda Donetsk milliy tibbiyot universiteti rus tilidagi olimpiada ishtirokchisi.

2016-2019 Milliy Tibbiyot Universitetida Navro’z Bayram tashabbuskori, ishtirokchisi.

2017 – Ukrainadagi O’zbekiston talabalar uyushmasining Milliy tibbiyot universitetida vakili

2018 – Kropivnitskdagi O’zbekiston Yoshlar jamiyati Assotsiatsiyasining vakili

Shavkat Mirziyoyev ajdodlar xotirasini yod etdi

O‘zbekiston Respublikasi Prezidenti Shavkat Mirziyoyev 9-may kuni poytaxtimizdagi Xotira maydoniga tashrif buyurdi. Motamsaro ona haykali poyiga gulchambar qo‘yib, tinchlik uchun, avlodlar kelajagi uchun jon fido qilgan yurtdoshlarimiz xotirasiga hurmat bajo keltirdi.

Motamsaro ona siymosida urushing barcha dardu tashvishlari, mudhish oqibatlari mujassam. Chunki el-yurt himoyachilarini voyaga yetkazgan ham, urushning azob-uqubatlarini eng ko‘p tortgan ham mushtipar onalardir.

Shukurki, bugun mamlakatimiz tinch-osoyishta. O‘g‘il-qizlar sog‘-salomat, ota-onalarning ko‘nglida halovat. 9-may – Xotira va Qadrlash kuni bizni shu osuda hayotning qadriga yetishga, barcha xalqlar bilan do‘st va hamkor bo‘lib, yorug‘ kelajak bunyod etishga da’vat qiladi. 

Ushbu sana munosabati bilan turli vazirlik va idoralar, jamoat tashkilotlari vakillari ham Motamsaro ona haykali poyiga gullar qo‘ydi. Bu yerga kelgan yoshlar ota-bobolari, bugungi yorug‘ kunlar uchun fido bo‘lgan insonlarni yod etib, tinchlik qadri va ahamiyati haqida xulosalar chiqardi.

Xotira va Qadrlash kuniga bag‘ishlangan bayram tadbiri Toshkent botanika bog‘ida bo‘lib o‘tadi.

Dunyo madaniyatlarning xayriya yarmarkasi

Dunyo madaniyatlarning xayriya yarmarkasi

 photo_2019-05-03_23-04-54 photo_2019-05-03_23-04-57

Joriy yilning 3-may kuni Xarkov milliy  tibbiyot universiteti tashabbusi bilan an’anaviy “Madaniyat yarmarkasi” bo’lib o’tdi.  Bu yil har yili o’tkaziladigan madaniy va ma’rifiy tadbirlar Xarkov shahridagi 3-sonli Mehribonlik uyi tarbiyalanuvchilari uchun xayriya mablag’larini jalb qilish orqali  uyushtirildi.

Festivalda Xarkov milliy tibbiyot universitetida tahsil olayotgan 13 mamlakatning talabalari o’zlarining madaniyatini namoyish qildilar.  Jumladan Gana, Nigeriya, Vyetnam, Hindiston, Livan, Xitoy, Misr, Afg’oniston, O’zbekiston, Tojikiston, Ozarbayjon, Gretsiya va Ukraina kabi davlatlarning vakillari o’zlarinig milliy urf-odatlarini namoyish etdilar.

Festivalni xorijiy fuqarolarni tayyorlash o’quv va ilmiy instituti direktori Dmitriy Marakushin ochib, tadbir ishtirokchilarini tabrikladi.  “Xarkov milliy tibbiyot universitetida  – bu kabi jahon madaniyatini nishonlash, talabalik, do’stlik va o’zaro hurmat ruhini talabalarga singdirish juda yaxshi an’anaga aylangan.  Universitet ma’muriyati har doim va kelajakda festivallarni qo’llab-quvvatlab, chet ellik talabalar va Ukraina fuqarolari o’rtasida do’stlik va o’zaro hurmatni kuchaytirishga yordam beradi.  Sizlarga baxt-omad, sog’lik-salomatlik, o’zingizga ishonch va barcha yaxshi tilaklarni tilayman “, dedi Dmitriy Igorevich.

photo_2019-05-03_23-05-04

Viloyat davlat boshqaruvi boshqarmasi Ilm-fan va ta’lim departamenti direktori Larisa Karpova  xalqaro forum ishtirokchilarini tabrikladi: “Bunday festivallar dunyoning ko’plab mamlakatlarining noyob madaniy an’analarini ommalashtirishga yordam beradi va Ukrainaning ta’lim muassasalarida, xususan, Xarkovdagi milliy tibbiyot universitetida ta’lim olayotgan talabalarning etnik muhitining o’ziga xos ranglari bilan tanishadi.  Ushbu forum xayriya tashkil etish niyatidamiz. ”

Ko’rgazmada O’zbekistonlik talabalar, O’zbek milliy madaniyat markazi hamda   O’zbekiston talabalarining Ukrainadagi uyushmasining ko’magi ostida  qatnashdilar.  Tadbirda  Ukrainadagi o’zbek yoshlarining Koordinatori va O’zbekiston talabalarining Ukrainadagi uyushmasi raisi Axundjanov Xumoyunmirzo mazkur tadbir tashkilotchilariga universitet rahbariyatiga minnatdorchilik bildirib, tadbirning barcha ishtirokchilarini chin dildan muborakbod etdi.

photo_2019-05-03_23-05-33

Tadbir mehmonlari rangli liboslar bilan tanishish va har bir mamlakatning milliy taomlaridan turli xil taomlarni sinab ko’rish imkoniga ega bo’lishdi.  Shuningdek, tadbir davomida  taqdim etilayotgan mamlakatlarning xalqparvarlik g’oyalarini eshitish va milliy raqslarni ko’rinishidan bahramand bo’ldilar.

Festival tibbiyot universitetining madaniyatlararo muloqoti uchun haqiqiy platforma bo’lib,  jamiyatning  yordamga muhtoj qatlamlariga xayriya yordami ko’rsatish uchun barchani birdamlik ruhida jamladi.

HUQUQ – JADAL MODERNIZATSIYA DAVRIDA

2

2019-yil 25-27-aprel kunlari Toshkent shahrida ilk marotaba “Tashkent Law Spring” Xalqaro yuridik forumi boʻlib oʻtadi. Forum O‘zbekiston Respublikasi Adliya vazirligi va bir qator hamkorlar tomonidan tashkil etildi.

Mustaqil Oʻzbekiston tarixida ilk marotaba “Tashkent Law Spring” Xalqaro yuridik forumi o‘tkaziladi. Unda milliy va xorijiy davlat tashkilotlari rahbarlari, shuningdek, xalqaro tashkilotlar vakillari, jahonning yetakchi yuridik va konsalting firmalari, taniqli olimlar, ekspertlar va huquq sohasi mutaxassislari ishtirok etadilar.

Forum 3 ta asosiy sessiyalarga bo‘lingan holda olib boriladi. Unda “Sifatli davlat boshqaruvi”, “Qonun ustuvorligini taʼminlash va sud-huquq tizimini isloh qilish”, “Faol investitsion siyosat” masalalari ko‘rib chiqiladi.

Shuningdek, qonunni rivojlantirishning zamonaviy tendentsiyalari va O‘zbekiston milliy qonunchiligini modernizatsiya qilishda eng yaxshi amaliyotlarni qo‘llash masalalari bo‘yicha muhokamalar, master-klasslar va taqdimotlar, davra suhbatlari tashkil etiladi.

Forum doirasida “Yilning eng yaxshi advokati”, “Yilning eng yaxshi advokatlik tuzilmasi”, “Yilning eng yaxshi korporativ yuridik xizmati” nominatsiyalari boʻyicha taqdirlash marosimlari boʻlib oʻtadi.

Bugungi kungacha AQSh, Avstriya, Belarus, Buyuk Britaniya, Frantsiya, Gruziya, Italiya, Koreya, Litva, Malayziya, Nigeriya, Ozarbayjon, Qirg‘iziston, Qozog‘iston, Rossiya, Saudiya Arabistoni, Singapur, Tojikiston, Yaponiya, Xitoy, Shri Lanka va dunyoni boshqa davlatlaridan 100 yaqin mutaxasis forumda maruzachi sifatida ishtirok etishini tasdiqlandi.

Birinchi galda bu Vena xalqaro arbitraj markazi Bosh kotibi Elis Fremut-Wolf, Yevropa nizolarni hal qilish markazi direktori Alyosh Zalar, Amerika-O‘zbekiston savdo palatasi raisi, Gonkong xalqaro arbitraj markazi bosh kotibi Sara Grimmer, AQSh-O‘zbekiston savdo palatasining raisi, White & Case LLP Partnyori Karolin Lemm, BMTTDning korruptsiyaga qarshi kurash bo‘yicha Global dasturi maslahatchisi Angi Timilsin, shuningdek, Garvard va Bolonya universitetlari, Boston yuridik kollejining huquq maktabi, Kaliforniya universitetining Gastings yuridik kolleji professor o‘qituvchilari, “Dentons”, “Reed Smit LLP” (AQSh), “Freshfields Bruckhaus Deringer” (Buyuk Britaniya) “Cleary Gottlieb Steen & Hamilton LLC” (AQSh), “Norton Rose Fulbright LLP” (Buyuk Britaniya) kabi dunyoga mashhur xalqaro yuridik firmalarning vakilari ishtirok etishi kutilmoqda.

Bugungi kunga qadar forumda ishtirok etish uchun forumning rasmiy saytiga 1000 dan ziyod xorijiy va milliy fuqoralaridan ariza kelib tushgan.

“Tashkent Law Spring” Xalqaro yuridik forumida ishtirok etishni istaganlar forumning www.tashkentlawspring.uz/uz/register rasmiy veb-sayti orqali roʻyxatdan oʻtishlari mumkin.

2019-yil 1-mart oydan boshlab “Tashkent Law Spring” Xalqaro yuridik forumini yoritishga qiziqqan xorijiy va milliy ommaviy axborot vositalarining vakillarini akkreditatsiyadan o‘tkazish boshlangan.

Akkreditatsiya forumning barcha tadbirlarida talab qilinadi. Akkreditatsiya uchun arizalar 15 aprel kuniga qadar qabul qilinadi.

Akreditatsiya qoidalari borasida batafsil ma’lumot bilan forumning www.tashkentlawspring.uz rasmiy veb-saytida tanishib chiqishingiz mumkin.

“Tashkent Law Spring” Xalqaro Yuridik Forum

Tashkiliy qo’mitasining matbuot markazi

O‘zbekistonda Qozog‘iston yili qardoshlik va yaxshi qo‘shnichilik munosabatlarini mustahkamlashga xizmat qiladi

«O‘zbekiston» xalqaro anjumanlar saroyida 15-aprel kuni O‘zbekistonda Qozog‘iston yilining rasmiy ochilish marosimi bo‘ldi.
Marosimni O‘zbekiston Respublikasi Prezidenti Shavkat Mirziyoyev ochib, qardosh qozog‘istonliklarni yurtimizga tashrifi bilan qutladi.– O‘zbekistonda Qozog‘iston yilining ochilishi strategik sheriklik munosabatlari tobora mustahkamlanib, ishonch va o‘zaro qo‘llab-quvvatlash kuchayib borayotganidan dalolat beradi. Ushbu muhim voqea xalqlarimiz o‘rtasidagi abadiy va samimiy do‘stlik, madaniy va ma’naviy yaqinlik ramzidir, – dedi Shavkat Mirziyoyev.
O‘zbek va qozoq xalqlari azaldan bir-biriga tayanch bo‘lib, qiyinchiliklarni yengib o‘tgani, bugungi kunda xalqlarimizning umumiy kelajagini ham birgalikda bunyod etayotgani ta’kidlandi.

– Bugungi kun O‘zbekiston va Qozog‘iston munosabatlarida yangi, tarixiy kun sifatida xalqlarimiz o‘rtasidagi qardoshlik aloqalarini rivojlantirish uchun mustahkam zamin yaratadi, deb ishonaman, – dedi davlatimiz rahbari.

Ma’lumki, 2018-yilda Qozog‘istonda O‘zbekiston yili deb e’lon qilingan edi. Ushbu sana doirasida madaniyat, san’at, adabiyot, ilm-fan, turizm va boshqa sohalarda 100 dan ziyod tadbirlar o‘tkazildi. Teatr va folklor jamoalari, estrada xonandalarining ijodiy safarlari uyushtirildi. Olmaota shahrida o‘zbek adabiyoti kunlari, Taraz, Chimkent, Qizilo‘rda, Turkiston shaharlarida o‘zbek kinosi kunlari bo‘lib o‘tdi.

Davlatimiz rahbarining 2018-yil 13-martdagi qaroriga muvofiq qozoq shoiri va mutafakkiri Abay Qo‘nonboyev ijodiy merosini o‘rganish tashkil etildi. Qozog‘istonda buyuk bobomiz Alisher Navoiy tavalludining 577 yilligi keng nishonlandi.

Qozog‘iston Prezidenti Qasim-Jomart Toqayev O‘zbekistonda qozoq tili va madaniyatini rivojlantirishga qaratilayotgan e’tibor uchun minnatdorlik bildirdi. Qozog‘iston yili doirasida o‘tkaziladigan tadbirlar qardosh xalqlarimiz madaniy aloqalarini yanada mustahkamlashini qayd etdi.
Mamlakatimizda Qozog‘iston yiliga katta tayyorgarlik ko‘rildi. Uning doirasidagi tadbirlar san’at, fan, ta’lim va tadbirkorlik sohalari vakillariga o‘zaro manfaatli aloqalarni yo‘lga qo‘yish, bilim va tajriba almashish uchun yangi ufqlar ochadi. Madaniyatlarimiz bir-birini boyitishiga, xalqlarimiz yanada yaqin bo‘lishiga xizmat qiladi.Ochilish marosimi katta konsert dasturi bilan davom etdi.

Xalqaro baxshichilik festivali xalq ijodining nodir namunalarini avlodlarga bezavol yetkazadi

Termiz shahrida Xalqaro baxshichilik san’ati festivalining tantanali ochilish marosimi bo‘lib o‘tdi.

O‘zbekiston Respublikasi Prezidenti Shavkat Mirziyoyev barchani Xalqaro baxshichilik san’ati festivalining tantanali ochilishi bilan muborakbod etdi.

Turli xalqlarning milliy o‘zligini, ularning tili va hayot tarzini, an’ana va urf-odatlarini ifoda etadigan baxshichilik san’ati umumbashariy madaniyatning uzviy qismi sifatida barchamiz uchun qadrlidir. Jahon madaniy merosining bu o‘lmas asarlari bizga insoniyatning naslu nasabi, tarixiy ildizlari, olijanob ideallari bir ekanini, binobarin, turli millat va elat vakillarining kelajak sari intilishlari ham mushtarak ekanini anglatadi, dedi Shavkat Mirziyoyev.

Tabrikda bugungi zamon talabi va qadriyatlar himoyasi, baxshilar ijodi va olimlarning vazifasi haqida dolzarb fikrlar ham aytildi. «Folklor san’ati bu – insoniyatning bolalik qo‘shig‘idir», «Baxshilar nafaqat xalq o‘tmishining aks-sadosi, ayni paytda bugungi kunning ham jarangdor ovozidir» degan so‘zlar butun anjumanning mazmun-mohiyatini ifodalagandek bo‘ldi.

Xalq dostonlari faqat sevgi-muhabbat tarannumi emas, balki madaniyat, ma’rifat, tarbiya vositasi bo‘lib kelgan. Yozma manbalar bo‘lmagan qadimgi davrlardayoq ajdodlarimiz og‘zaki ijod orqali avlodlarga mardlik, yaxshilik, halollik, vatanparvarlik, do‘stlik ibratini yetkazgan. Shu jihatdan, baxshilar ezgulik elchilari bo‘lgan va hamisha e’zozlangan.

Bugungi globallashuv zamoniga kelib ushbu tarixiy san’at e’tibordan chetda qoldi. Katta baxshilar keksayib, ko‘p joylarda bu meros unutilib borayotgan edi. Chunki e’tibor, qiziqish, rag‘bat yo‘q edi.

Davlatimiz rahbari tashabbusi bilan Surxondaryoda baxshichilik maktabi tashkil etilgani uni asrab-avaylash, yosh avlodga yetkazish uchun yaxshi sharoit yaratdi. 2018-yil 1-noyabr kuni bu sohaga doir yana bir tarixiy qaror – Prezidentimizning «Xalqaro baxshichilik san’ati festivalini o‘tkazish to‘g‘risida»gi qarori qabul qilindi.

Tashkiliy qo‘mita tuzilib, keng ko‘lamli tayyorgarlik ishlari olib borildi. Festival ishtirokchilari, xorijlik mehmonlar va tomoshabinlar uchun zarur sharoit yaratildi.

Anjuman o‘tkaziladigan maydon atrofi bayramona bezatilgan. Baxshichilik san’atiga oid ko‘rgazmalar, milliy soz va liboslar, o‘tov va so‘zanalar, tasviriy va amaliy san’at asarlari, kitoblar, albomlar namoyishi tashkil etilgan.

Prezident Shavkat Mirziyoyev ochilish marosimidan so‘ng ushbu ko‘rgazmalar bilan tanishdi. Qoraqalpog‘iston va barcha viloyatlardan kelgan folklor jamoalarning chiqishlarini tomosha qildi, xalq hunarmandchiligi mahsulotlarini ko‘zdan kechirdi. Ijodkor va hunarmandlar bilan suhbatlashib, kelgusi ishlariga muvaffaqiyat tiladi.

Xalqaro baxshichilik san’ati festivali ikki yilda bir marta o‘tkaziladi, dostonchilik san’atini asrab-avaylash va keng targ‘ib qilish, turli xalqlar o‘rtasida do‘stlik va ijodiy hamkorlikni mustahkamlashga xizmat qiladi.

Bu yil birinchi marta o‘tkazilayotgan festivalda 74 ta mamlakatdan 160 dan ziyod vakillar qatnashmoqda.