HUQUQ – JADAL MODERNIZATSIYA DAVRIDA

2

2019-yil 25-27-aprel kunlari Toshkent shahrida ilk marotaba “Tashkent Law Spring” Xalqaro yuridik forumi boʻlib oʻtadi. Forum O‘zbekiston Respublikasi Adliya vazirligi va bir qator hamkorlar tomonidan tashkil etildi.

Mustaqil Oʻzbekiston tarixida ilk marotaba “Tashkent Law Spring” Xalqaro yuridik forumi o‘tkaziladi. Unda milliy va xorijiy davlat tashkilotlari rahbarlari, shuningdek, xalqaro tashkilotlar vakillari, jahonning yetakchi yuridik va konsalting firmalari, taniqli olimlar, ekspertlar va huquq sohasi mutaxassislari ishtirok etadilar.

Forum 3 ta asosiy sessiyalarga bo‘lingan holda olib boriladi. Unda “Sifatli davlat boshqaruvi”, “Qonun ustuvorligini taʼminlash va sud-huquq tizimini isloh qilish”, “Faol investitsion siyosat” masalalari ko‘rib chiqiladi.

Shuningdek, qonunni rivojlantirishning zamonaviy tendentsiyalari va O‘zbekiston milliy qonunchiligini modernizatsiya qilishda eng yaxshi amaliyotlarni qo‘llash masalalari bo‘yicha muhokamalar, master-klasslar va taqdimotlar, davra suhbatlari tashkil etiladi.

Forum doirasida “Yilning eng yaxshi advokati”, “Yilning eng yaxshi advokatlik tuzilmasi”, “Yilning eng yaxshi korporativ yuridik xizmati” nominatsiyalari boʻyicha taqdirlash marosimlari boʻlib oʻtadi.

Bugungi kungacha AQSh, Avstriya, Belarus, Buyuk Britaniya, Frantsiya, Gruziya, Italiya, Koreya, Litva, Malayziya, Nigeriya, Ozarbayjon, Qirg‘iziston, Qozog‘iston, Rossiya, Saudiya Arabistoni, Singapur, Tojikiston, Yaponiya, Xitoy, Shri Lanka va dunyoni boshqa davlatlaridan 100 yaqin mutaxasis forumda maruzachi sifatida ishtirok etishini tasdiqlandi.

Birinchi galda bu Vena xalqaro arbitraj markazi Bosh kotibi Elis Fremut-Wolf, Yevropa nizolarni hal qilish markazi direktori Alyosh Zalar, Amerika-O‘zbekiston savdo palatasi raisi, Gonkong xalqaro arbitraj markazi bosh kotibi Sara Grimmer, AQSh-O‘zbekiston savdo palatasining raisi, White & Case LLP Partnyori Karolin Lemm, BMTTDning korruptsiyaga qarshi kurash bo‘yicha Global dasturi maslahatchisi Angi Timilsin, shuningdek, Garvard va Bolonya universitetlari, Boston yuridik kollejining huquq maktabi, Kaliforniya universitetining Gastings yuridik kolleji professor o‘qituvchilari, “Dentons”, “Reed Smit LLP” (AQSh), “Freshfields Bruckhaus Deringer” (Buyuk Britaniya) “Cleary Gottlieb Steen & Hamilton LLC” (AQSh), “Norton Rose Fulbright LLP” (Buyuk Britaniya) kabi dunyoga mashhur xalqaro yuridik firmalarning vakilari ishtirok etishi kutilmoqda.

Bugungi kunga qadar forumda ishtirok etish uchun forumning rasmiy saytiga 1000 dan ziyod xorijiy va milliy fuqoralaridan ariza kelib tushgan.

“Tashkent Law Spring” Xalqaro yuridik forumida ishtirok etishni istaganlar forumning www.tashkentlawspring.uz/uz/register rasmiy veb-sayti orqali roʻyxatdan oʻtishlari mumkin.

2019-yil 1-mart oydan boshlab “Tashkent Law Spring” Xalqaro yuridik forumini yoritishga qiziqqan xorijiy va milliy ommaviy axborot vositalarining vakillarini akkreditatsiyadan o‘tkazish boshlangan.

Akkreditatsiya forumning barcha tadbirlarida talab qilinadi. Akkreditatsiya uchun arizalar 15 aprel kuniga qadar qabul qilinadi.

Akreditatsiya qoidalari borasida batafsil ma’lumot bilan forumning www.tashkentlawspring.uz rasmiy veb-saytida tanishib chiqishingiz mumkin.

“Tashkent Law Spring” Xalqaro Yuridik Forum

Tashkiliy qo’mitasining matbuot markazi

O‘zbekistonda Qozog‘iston yili qardoshlik va yaxshi qo‘shnichilik munosabatlarini mustahkamlashga xizmat qiladi

«O‘zbekiston» xalqaro anjumanlar saroyida 15-aprel kuni O‘zbekistonda Qozog‘iston yilining rasmiy ochilish marosimi bo‘ldi.
Marosimni O‘zbekiston Respublikasi Prezidenti Shavkat Mirziyoyev ochib, qardosh qozog‘istonliklarni yurtimizga tashrifi bilan qutladi.– O‘zbekistonda Qozog‘iston yilining ochilishi strategik sheriklik munosabatlari tobora mustahkamlanib, ishonch va o‘zaro qo‘llab-quvvatlash kuchayib borayotganidan dalolat beradi. Ushbu muhim voqea xalqlarimiz o‘rtasidagi abadiy va samimiy do‘stlik, madaniy va ma’naviy yaqinlik ramzidir, – dedi Shavkat Mirziyoyev.
O‘zbek va qozoq xalqlari azaldan bir-biriga tayanch bo‘lib, qiyinchiliklarni yengib o‘tgani, bugungi kunda xalqlarimizning umumiy kelajagini ham birgalikda bunyod etayotgani ta’kidlandi.

– Bugungi kun O‘zbekiston va Qozog‘iston munosabatlarida yangi, tarixiy kun sifatida xalqlarimiz o‘rtasidagi qardoshlik aloqalarini rivojlantirish uchun mustahkam zamin yaratadi, deb ishonaman, – dedi davlatimiz rahbari.

Ma’lumki, 2018-yilda Qozog‘istonda O‘zbekiston yili deb e’lon qilingan edi. Ushbu sana doirasida madaniyat, san’at, adabiyot, ilm-fan, turizm va boshqa sohalarda 100 dan ziyod tadbirlar o‘tkazildi. Teatr va folklor jamoalari, estrada xonandalarining ijodiy safarlari uyushtirildi. Olmaota shahrida o‘zbek adabiyoti kunlari, Taraz, Chimkent, Qizilo‘rda, Turkiston shaharlarida o‘zbek kinosi kunlari bo‘lib o‘tdi.

Davlatimiz rahbarining 2018-yil 13-martdagi qaroriga muvofiq qozoq shoiri va mutafakkiri Abay Qo‘nonboyev ijodiy merosini o‘rganish tashkil etildi. Qozog‘istonda buyuk bobomiz Alisher Navoiy tavalludining 577 yilligi keng nishonlandi.

Qozog‘iston Prezidenti Qasim-Jomart Toqayev O‘zbekistonda qozoq tili va madaniyatini rivojlantirishga qaratilayotgan e’tibor uchun minnatdorlik bildirdi. Qozog‘iston yili doirasida o‘tkaziladigan tadbirlar qardosh xalqlarimiz madaniy aloqalarini yanada mustahkamlashini qayd etdi.
Mamlakatimizda Qozog‘iston yiliga katta tayyorgarlik ko‘rildi. Uning doirasidagi tadbirlar san’at, fan, ta’lim va tadbirkorlik sohalari vakillariga o‘zaro manfaatli aloqalarni yo‘lga qo‘yish, bilim va tajriba almashish uchun yangi ufqlar ochadi. Madaniyatlarimiz bir-birini boyitishiga, xalqlarimiz yanada yaqin bo‘lishiga xizmat qiladi.Ochilish marosimi katta konsert dasturi bilan davom etdi.

Xalqaro baxshichilik festivali xalq ijodining nodir namunalarini avlodlarga bezavol yetkazadi

Termiz shahrida Xalqaro baxshichilik san’ati festivalining tantanali ochilish marosimi bo‘lib o‘tdi.

O‘zbekiston Respublikasi Prezidenti Shavkat Mirziyoyev barchani Xalqaro baxshichilik san’ati festivalining tantanali ochilishi bilan muborakbod etdi.

Turli xalqlarning milliy o‘zligini, ularning tili va hayot tarzini, an’ana va urf-odatlarini ifoda etadigan baxshichilik san’ati umumbashariy madaniyatning uzviy qismi sifatida barchamiz uchun qadrlidir. Jahon madaniy merosining bu o‘lmas asarlari bizga insoniyatning naslu nasabi, tarixiy ildizlari, olijanob ideallari bir ekanini, binobarin, turli millat va elat vakillarining kelajak sari intilishlari ham mushtarak ekanini anglatadi, dedi Shavkat Mirziyoyev.

Tabrikda bugungi zamon talabi va qadriyatlar himoyasi, baxshilar ijodi va olimlarning vazifasi haqida dolzarb fikrlar ham aytildi. «Folklor san’ati bu – insoniyatning bolalik qo‘shig‘idir», «Baxshilar nafaqat xalq o‘tmishining aks-sadosi, ayni paytda bugungi kunning ham jarangdor ovozidir» degan so‘zlar butun anjumanning mazmun-mohiyatini ifodalagandek bo‘ldi.

Xalq dostonlari faqat sevgi-muhabbat tarannumi emas, balki madaniyat, ma’rifat, tarbiya vositasi bo‘lib kelgan. Yozma manbalar bo‘lmagan qadimgi davrlardayoq ajdodlarimiz og‘zaki ijod orqali avlodlarga mardlik, yaxshilik, halollik, vatanparvarlik, do‘stlik ibratini yetkazgan. Shu jihatdan, baxshilar ezgulik elchilari bo‘lgan va hamisha e’zozlangan.

Bugungi globallashuv zamoniga kelib ushbu tarixiy san’at e’tibordan chetda qoldi. Katta baxshilar keksayib, ko‘p joylarda bu meros unutilib borayotgan edi. Chunki e’tibor, qiziqish, rag‘bat yo‘q edi.

Davlatimiz rahbari tashabbusi bilan Surxondaryoda baxshichilik maktabi tashkil etilgani uni asrab-avaylash, yosh avlodga yetkazish uchun yaxshi sharoit yaratdi. 2018-yil 1-noyabr kuni bu sohaga doir yana bir tarixiy qaror – Prezidentimizning «Xalqaro baxshichilik san’ati festivalini o‘tkazish to‘g‘risida»gi qarori qabul qilindi.

Tashkiliy qo‘mita tuzilib, keng ko‘lamli tayyorgarlik ishlari olib borildi. Festival ishtirokchilari, xorijlik mehmonlar va tomoshabinlar uchun zarur sharoit yaratildi.

Anjuman o‘tkaziladigan maydon atrofi bayramona bezatilgan. Baxshichilik san’atiga oid ko‘rgazmalar, milliy soz va liboslar, o‘tov va so‘zanalar, tasviriy va amaliy san’at asarlari, kitoblar, albomlar namoyishi tashkil etilgan.

Prezident Shavkat Mirziyoyev ochilish marosimidan so‘ng ushbu ko‘rgazmalar bilan tanishdi. Qoraqalpog‘iston va barcha viloyatlardan kelgan folklor jamoalarning chiqishlarini tomosha qildi, xalq hunarmandchiligi mahsulotlarini ko‘zdan kechirdi. Ijodkor va hunarmandlar bilan suhbatlashib, kelgusi ishlariga muvaffaqiyat tiladi.

Xalqaro baxshichilik san’ati festivali ikki yilda bir marta o‘tkaziladi, dostonchilik san’atini asrab-avaylash va keng targ‘ib qilish, turli xalqlar o‘rtasida do‘stlik va ijodiy hamkorlikni mustahkamlashga xizmat qiladi.

Bu yil birinchi marta o‘tkazilayotgan festivalda 74 ta mamlakatdan 160 dan ziyod vakillar qatnashmoqda.

OʻZBEKISTON PREZIDENTINING TASHABBUSI JAHON HAMJAMIYATI TOMONIDAN BIR OVOZDAN QOʻLLAB-QUVVATLANDI

Ф2

Joriy yil 12 dekabr kuni BMT Bosh Assambleyasining yalpi sessiyasida “Maʼrifat va diniy bagʻrikenglik“ deb nomlangan maxsus rezolyutsiya qabul qilindi. Loyihasi Oʻzbekiston tomonidan ishlab chiqilgan hujjat BMTga aʼzo barcha davlatlar tomonidan bir ovozdan qoʻllab-quvvatlandi. 

Rezolyutsiyaning qabul qilinishi 2017 yil sentyabr oyida Nyu-York shahrida boʻlib oʻtgan BMT Bosh Assambleyasining 72-sessiyasida Prezidentimiz Shavkat Mirziyoyev ilgari surgan tashabbusning amaliy ifodasi boʻldi.

Davlatimiz rahbari BMT yuksak minbarida turib soʻzlar ekan, Oʻzbekiston tomonidan taklif etilgan rezolyutsiyaning asosiy maqsadi “barchaning taʼlim olish huquqini taʼminlashga, savodsizlik va jaholatga barham berishga koʻmaklashishdan iborat“ ekanini qayd etdi. Hujjat “bagʻrikenglik va oʻzaro hurmatni qaror toptirish, diniy erkinlikni taʼminlash, eʼtiqod qiluvchilarning huquqini himoya qilish, ularning kamsitilishiga yoʻl qoʻymaslikka koʻmaklashish“ga qaratilgan.

Ushbu tashabbusni amalga oshirish maqsadida Oʻzbekiston Tashqi ishlar vazirligi qator boshqa idoralar bilan hamkorlikda rezolyutsiya loyihasi matnini ishlab chiqish va uni Birlashgan Millatlar Tashkilotiga aʼzo barcha davlatlar bilan kelishish boʻyicha tizimli ishlar olib bordi.

Mamlakatimizning Nyu-York shahridagi Doimiy vakolatxonasidan maʼlum qilishlaricha, BMTga aʼzo davlatlar bilan ushbu hujjat loyihasiga doir koʻplab va har tomonlama muzokaralar yakunlari boʻyicha 12 dekabr kuni Prezidentimizning tashabbusi hayotga tatbiq etildi. BMT Bosh Assambleyasi yalpi majlisi davomida “Maʼrifat va diniy bagʻrikenglik“ rezolyutsiyasi qabul qilindi.

Mazkur rezolyutsiya nafaqat BMTga aʼzo barcha davlatlar tomonidan bir ovozdan qoʻllab-quvvatlangani, balki Shimoliy Amerika va Lotin Amerikasi, Osiyo, Afrika va boshqa qitʼalarning 50 dan ziyod mamlakati bilan hammualliflikda qabul qilingani eʼtiborga molik. Bu xalqaro hamjamiyat tomonidan Oʻzbekiston rahbari tashabbusining dolzarbligi va oʻz vaqtida ilgari surilgan taklif ekanining yuksak eʼtirofidan dalolatdir.

Hammualliflar qatorida Ozarbayjon, Jazoir, Bahrayn, Belarus, Gana, Misr, Hindiston, Qozogʻiston, Kanada, Qatar, Qirgʻiziston, Livan, Marokash, BAA, Oʻmon, Pokiston, Koreya Respublikasi, Rossiya, Saudiya Arabistoni, Singapur, Sudan, Tojikiston, Tailand, Tunis, Turkmaniston, Filippin, Yaponiya va boshqa davlatlarni qayd etish joiz.

Oʻzbekiston tashabbusi bilan qabul qilingan rezolyutsiyada maʼrifatparvarlik gʻoyasini ilgari surish qayd etilib, sayyoramizda xavfsizlik va tinchlikni mustahkamlash yoʻlidagi integratsiya, oʻzaro hurmat, inson huquqlari himoyasi, murosa va oʻzaro anglashuvning nechogʻli muhimligi eʼtirof etiladi.

Hujjatda dinlar, madaniyatlar va konfessiyalararo munosabatlardagi uygʻunlikni ragʻbatlantirish hamda ayrim shaxslarga nisbatan din va eʼtiqodlar zamiridagi kamsitishlarga yoʻl qoʻyilishiga qarshi kurashishga qaratilgan barcha xalqaro, mintaqaviy va milliy tashabbuslar qoʻllab-quvvatlanadi.

Eʼtiborga loyiq jihati shundaki, ushbu hujjat barcha aʼzo davlatlarning fikr, vijdon, din yoki eʼtiqod erkinligini himoya qilish va ragʻbatlantirishga doir saʼy-harakatlarini faollashtirish va shu asosda:

a) butun jamiyatda turli din va eʼtiqodlar, ularning yurisdiksiyasi doirasida amal qiluvchi turfa diniy ozchiliklar tarixi, anʼanalari, tili va madaniyati haqida yanada keng bilimlarni targʻib qilish orqali taʼlim va boshqa vositalar yordamida din va eʼtiqod erkinligiga doir barcha masalalarda oʻzaro anglashuv, bagʻrikenglik, kamsitishga yoʻl qoʻymaslik borasidagi saʼy-harakatlar va hurmatni ragʻbatlantirish;

b) milliy va xalqaro darajada madaniyatlararo hamkorlik va tinchlik oʻrnatishga qaratilgan faoliyatning turli koʻrinishlarini qoʻllab-quvvatlash;

v) ilmiy-tadqiqot faoliyatini qoʻllab-quvvatlashga undaydi.

Taʼkidlash joizki, rezolyutsiyaning maqsad va mazmuni BMT doirasida qabul qilingan muhim hujjatlar, jumladan, BMT Nizomi, Inson huquqlari umumjahon deklaratsiyasi, 2030 yilgacha boʻlgan davrda Barqaror rivojlanish maqsadlari, Din yoki eʼtiqodlar zamiridagi murosasizlik va kamsitishlarning barcha shakllarini bartaraf etish toʻgʻrisidagi deklaratsiya, shuningdek, BMT Bosh Assambleyasining mavzuga doir anʼanaviy rezolyutsiyalari q

oidalariga toʻliq mos keladi.

Ayni paytda BMT Bosh Assambleyasi tomonidan qabul qilingan hujjatda aʼzo davlatlarga milliy va xalqaro OAVlar, jumladan, Internet tarmogʻida keng koʻlamli targʻibоt ishlarini yoʻlga qoʻyish, bagʻrikenglik, zoʻravonlikka barham berish hamda din va eʼtiqod erkinligiga doir maʼrifiy axborot tarqatish kabi tegishli kommunikatsion strategiyani joriy etish taklif qilinmoqda.

Ushbu hujjat inson huquqlari, turfa din va eʼtiqodlarni hurmat qilish asnosida barcha darajada bagʻrikenglik va tinchlik madaniyatini ragʻbatlantirish maqsadida global muloqotga koʻmaklashishga doir xalqaro saʼy-harakatlarni faollashtirishga undashini qayd etish lozim.

Bundan tashqari, rezolyutsiyada taʼlim, ilm-fan, madaniyat vositasida millatlararo hamkorlikni kengaytirish orqali YUNЕSKOning dunyoda tinchlik va xavfsizlik oʻrnatishdagi muhim roli eʼtirof etiladi.

Oʻzbekiston rezolyutsiyasini qoʻllab-quvvatlash maqsadida BMT Bosh Assambleyasi majlisida Kuvayt, Birlashgan Arab Amirliklari, Marokash, Oʻmon, Ozarbayjon, Panama, Yevropa Ittifoqi, boshqa qator davlatlar delegatsiyalari soʻzga chiqib, Oʻzbekistonga oʻta muhim va oʻz vaqtida ilgari surilgan tashabbus, shuningdek, uning matnini kelishish boʻyicha norasmiy maslahatlashuvlar chogʻida bildirilgan ochiqlik uchun minnatdorlik izhor qildi.

BMT Bosh Assambleyasi mazkur rezolyutsiyaning bir ovozdan qabul qilinishi Prezidentimizning turli millat va konfessiyalar oʻrtasida hamkorlik, oʻzaro hurmat va birdamlik muhitini mustahkamlash, konfessiyalar, millatlar va madaniyatlararo muloqotni qoʻllab-quvvatlash va asrash, yurtimizda tinchlik va totuvlikni taʼminlashga qaratilgan izchil va puxta oʻylangan strategiyasi xalqaro hamjamiyat tomonidan toʻla qoʻllab-quvvatlanayotganining yaqqol dalilidir.

http://jahonnews.uz

Toshkent ishbilarmonlik markaziga aylantiriladi

Ф1

Xalq deputatlari Toshkent shahar kengashining navbatdan tashqari sessiyasi boshlandi.

Sessiyada Oʻzbekiston Respublikasi Prezidenti Shavkat Mirziyoyev nutq soʻzladi.

Toshkent shahrida 2017-yili yalpi hududiy mahsulot 5 foizga oʻsgani qayd qilindi. Joriy yilda bu koʻrsatkich 8,1 foizni tashkil etmoqda. Shuningdek, joriy yil yakuni boʻyicha sanoat mahsuloti ishlab chiqarish hajmi 9,2 foizga, qurilish ishlari 11,6 foizga, xizmat koʻrsatish 10,5 foizga oʻsishi kutilmoqda. Bu mamlakatimiz boʻyicha eng yuqori koʻrsatkichlardandir.

Prezidentimiz Toshkent shahrini ijtimoiy-iqtisodiy rivojlantirish boʻyicha muhim yoʻnalishlarni koʻrsatib oʻtdi. Toshkent shahrini yirik ishbilarmonlik va moliya markaziga aylantirish boʻyicha strategiya ishlab chiqish zarurligini taʼkidladi.

– Bugungi globallashuv davrida iqtisodiyotga investitsiyalarni faol jalb etib, biznes uchun qulay sharoitlar yaratib berayotgan shaharlar jadal rivojlanmoqda. Toshkent shahrini yuqori texnologik sanoat mahsulotlari ishlab chiqaradigan, bank, moliya, sugʻurta va boshqa zamonaviy xizmatlar koʻrsatadigan yirik xalqaro markazga aylantirishimiz zarur. Shahar atrofi sanoat zonalari, shahar ichi esa innovatsion hudud boʻlishi kerak, – dedi Shavkat Mirziyoyev.

Ijtimoiy soha, qurilish va kommunal tarmoqlarni rivojlantirish, aholi va turistlar uchun qulayliklarni oshirish boʻyicha ham istiqboldagi muhim vazifalar belgilandi.

https://president.uz/uz

(Русский) О подготовке и проведении празднования 27-летия государственной независимости Республики Узбекистан

Ўзбекистон Республикаси давлат мустақиллигининг йигирма етти йиллик байрамига тайёргарлик кўриш ва уни ўтказиш тўғрисида

25c7486708b440475903b2fb3f8dd8

Ўзбекистон Республикаси Президентининг қарори

Жонажон Ватанимиз – Ўзбекистонимиз миллий тараққиётнинг янги босқичига қадам қўйиб, барча соҳа ва тармоқларда демократик янгиланиш жараёнлари амалга оширилаётган бугунги кунда биз учун бебаҳо неъмат бўлган мустақилликнинг қадр-қиммати ва аҳамияти тобора ортиб бормоқда.

Ўтган давр биз учун ғоят муҳим бир ҳақиқатни такрор ва такрор тасдиқлаб бермоқда. Эркин ва фаровон ҳаётимизни, буюк келажагимизни фақат мустақиллик асосида қуришимиз, одамларимиз, эл-юртимизни фақат мустақил сиёсат асосида рози қилишимиз мумкин. Фақат мустақиллик бугунги ва келгуси авлодлар учун мисли кўрилмаган имкониятлар очиб беради.

Шу маънода, мамлакатимиз истиқлолини, у билан боғлиқ тарихий сана ва воқеа-ҳодисаларнинг моҳиятини чуқур англаш ва қадрлаш, ҳар томонлама муносиб нишонлаш ижтимоий-сиёсий ва маънавий ҳаётимизда алоҳида муҳим ўрин тутади.

Халқимизнинг асрий орзуси бўлган, Ватанимизнинг неча минг йиллик тарихида мутлақо янги саҳифа очган, мамлакатимизни халқаро ҳамжамиятнинг тенг ҳуқуқли аъзосига айлантирган Ўзбекистон мустақиллигининг йигирма етти йиллигини муносиб кутиб олиш ва нишонлаш мақсадида:

1. Ўзбекистон Республикаси давлат мустақиллигининг йигирма етти йиллик байрамига тайёргарлик кўриш ва уни ўтказиш бўйича республика комиссиясининг таркиби иловага мувофиқ тасдиқлансин.

2. Республика комиссияси бир ҳафта муддатда “Азиз ва ягонамсан, жонажон Ўзбекистоним!” деган ғояни ўзида мужассам этган ташкилий-амалий, маънавий-маърифий тадбирлар ҳамда тарғибот-ташвиқот ишлари дастурини ишлаб чиқсин.

Мазкур дастур 2017 – 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси ҳамда “Фаол тадбиркорлик, инновацион ғоялар ва технологияларни қўллаб-қувватлаш йили” Давлат дастури билан уйғун ҳолда тайёрлансин.

Бунда давлат ва жамият қурилиши тизимини такомиллаштириш, айниқса, халқ билан доимий мулоқотни йўлга қўйиш, инсон манфаатларини таъминлаш, қонун устуворлигига эришиш ва суд-ҳуқуқ тизимини янада ислоҳ қилиш, иқтисодиётни ривожлантириш ва фаол тадбиркорликни қўллаб-қувватлаш, ижтимоий соҳани, хусусан, фан, таълим, соғлиқни сақлаш, маданият ва санъат, туризм ва спорт тармоқларини ривожлантириш, тинчлик-осойишталик ва хавфсизлик, миллатлараро тотувлик ва диний бағрикенгликни мустаҳкамлаш, ташқи сиёсат соҳасида барча узоқ ва яқин давлатлар билан ўзаро манфаатли алоқаларни жадал ривожлантириш бўйича амалга оширилаётган кенг кўламли ишларнинг мазмун-моҳиятини илмий-маърифий асосда, ҳаётий мисоллар орқали очиб беришга алоҳида эътибор қаратилсин.

3. Республика комиссияси томонидан Қорақалпоғистон Республикаси, вилоятлар ва Тошкент шаҳрида Мустақиллик байрамига бағишлаб аҳолининг кенг қатламлари ўртасида маърифий учрашувлар, очиқ мулоқот ва суҳбатлар, адабий-бадиий кечалар, маданий тадбирлар ўтказиш мақсадида таниқли олимлар, ижодкор зиёлилар ва санъаткорлардан иборат маънавий-маърифий тарғибот гуруҳлари ташкил этилсин ҳамда уларнинг аниқ режа асосида фаолият олиб бориши таъминлансин.

4. Республика комиссияси ўз йиғилишларида белгиланган чора-тадбирлар марказда ва жойларда қандай амалга оширилаётгани юзасидан ҳар бир ҳудуд, вазирлик ва идора раҳбарларининг ҳисоботларини мунтазам равишда эшитиб борсин.

5. Қорақалпоғистон Республикаси, вилоятлар ва Тошкент шаҳрида ўтказиладиган байрам дастурларини тайёрлашга оммавий томошалар бўйича юксак маҳорат ва тажрибага эга бўлган сценарист ва режиссёрлар, ёзувчи ва шоирлар, композитор ва балетмейстерлар, саҳна рассомлари, истеъдодли ёш ижрочилар, фольклор санъати вакилларидан иборат ижодий гуруҳлар кенг жалб этилсин.

6. Ўзбекистон Республикаси Маданият вазирлиги Ўзбекистон Ёзувчилар уюшмаси, Ўзбекистон композиторлари ва бастакорлари уюшмаси билан биргаликда юртимиз истиқлолини тараннум этишга қаратилган энг яхши қўшиқ ва мусиқа асарлари учун “Ягонасан, муқаддас Ватан!” республика танловининг якуний босқичини ўтказсин.

Танлов ғолиблари ва совриндорлари Мустақиллик байрами арафасида эълон қилинсин ва тақдирлансин.

7. Ўзбекистон Матбуот ва ахборот агентлиги Ўзбекистон Республикаси Маданият вазирлиги Ўзбекистон Ёзувчилар уюшмаси, Ўзбекистон Журналистлари ижодий уюшмаси, Ўзбекистон Бадиий академияси, “Тасвирий ойина” ижодий уюшмаси ва бошқа тегишли ташкилотлар билан биргаликда “Энг улуғ, энг азиз”, “Ранглар жилосида – она диёр”, “Ватан учун яшайлик!” каби анъанавий кўрик-танловларни юқори даражада ўтказишни таъминласин.

8. Белгилаб қўйилсинки, ўтказиладиган байрам тадбирлари:

Қорақалпоғистон Республикаси ва вилоятларда маҳаллий бюджетлар ҳамда ҳомийлик хайриялари ҳисобидан;

Тошкент шаҳрида Ўзбекистон Республикасининг Давлат бюджети ва Тошкент шаҳар маҳаллий бюджети маблағлари ҳисобидан тенг улушларда қопланади.

9. Ўзбекистон Матбуот ва ахборот агентлиги, Ўзбекистон Миллий телерадиокомпанияси, Ўзбекистон Миллий ахборот агентлиги, “Дунё” ахборот агентлиги ва бошқа оммавий ахборот воситаларига Ўзбекистон Республикаси мустақиллигининг йигирма етти йиллик байрамига тайёргарлик кўриш ва уни ўтказиш бўйича амалга оширилаётган ишларни атрофлича ёритиб бориш тавсия этилсин.

10. Мазкур қарорнинг ижросини назорат қилиш Ўзбекистон Республикаси Бош вазири А.Арипов зиммасига юклансин.

 

 

Ўзбекистон Республикаси Президенти                                                      Ш. Мирзиёев

 

манбаа: www.president.uz

Toshkentda test sinovlari qaysi binolarda o‘tkaziladi?

 140681_1a600e4f6146298d62ee17e57264

Huquqshunos Xushnudbek Xudoyberdiyev o‘zining telegram kanalida Toshkent shahrida test sinovlari o‘tkaziladigan binolar ro‘yxatini keltirdi:

  1. «O‘zekspomarkaz» Milliy ko‘rgazmalar majmuasi (5 ta bino, 117 ta guruh, 3510 o‘rin);
  2. Oliy o‘quv yurtlariaro sport majmuasi (1ta bino, 33 ta guruh, 990 o‘rin);
  3. Xalq iste’mol tovarlarining ko‘rgazma yarmarka savdosi Respublika markazi (1ta bino, 48 ta guruh, 1440 o‘rin);
  4. Respublika ixtisoslashtirilgan olimpiya zaxiralari maktab-internati (2ta bino, 45 ta guruh, 1350 o‘rin);
  5. «Tennis» sport majmuasi (1 ta bino, 24 ta guruh, 720 o‘rin);
  6. Yoshlik sport majmuasi (1 ta bino, 24 ta guruh, 720 o‘rin).

JAMI: 11 ta bino, 291 ta guruh, 8730 o‘rin.
Manba:www.xabar.uz